Հոկտեմբերի 17-ին Վրաստանում ռուսական հատուկ ծառայությունների համար աշխատող և հօգուտ Ռուսաստանի լրտեսության մեղադրանքով ավելի քան 20 մարդ էր կալանավորվել: Այս ընթացքում, սակայն, նրանցից միայն 3 հոգու անունն է հայտնի, որոնցից երկուսը հայեր են` Արմեն Գևորգյանն ու Ռուբեն Շիկոյանը: Վրաստանում «Առավոտի» աղբյուրը, որը չցանկացավ այս թեմայով խոսել, միայն հավաստիացրեց, թե տեղյակ է, որ այս գործով կան լուրջ մեղադրական փաստեր, այդ թվում` տեսագրություններ, բայցև չբացառեց, որ կալանավորված հայերից գոնե մեկը` Արմեն Գևորգյանը, պարզապես ազդեցությունների տակ է ընկել` առանց գիտակցելու իր արարքի հնարավոր հետևանքը: