Ըստ WikiLeaks-ի գաղտնազերծած նյութերի, 2008-ի ապրիլի 23-ին ՀՀ-ում ԱՄՆ փոխդեսպան Ջոզեֆ Փենինգթոնը Պետդեպին զեկուցել է ՀՀ նոր` Սերժ Սարգսյանի ձևավորած կառավարության կազմի մասին:

Նախ` իր զեկույցի ներածականում փոխդեսպանն ամփոփել է. «Նախագահ Սարգսյանի նոր կառավարությունը ներկայումս համալրված է, վերջնական նշանակումների մասին հայտարարվեց ապրիլի վերջին` 21-ին: 17 նախարարներից 11-ը նորանշանակ են, թեև նրանցից ոմանց պաշտոնները փոխատեղել են»:

Փոփոխությունները, որոնք կատարվել են ազդեցիկ նախարարություններում` արտաքին գործերի և պաշտպանության, փոխդեսպանի մատուցմամբ` «ոչ քննադատություն, ոչ հիացմունք են ներշնչում»: