«Ղարաբաղյան հիմնահարցի գլխավոր մեխը կարգավիճակի հարցն է եւ խաղաղությունը տարածաշրջանում, իսկ թե Ադրբեջանի նախագահը ինչքանով է նպաստում այդ խաղաղությանը, տեսնում ենք: Կրտսեր Ալիեւի ռազմատենչ հայտարարությունները գրոշ չարժեն, որովհետեւ ինքը այդ հայտարարություններից հետո գնում եւ խելոք նստում է բանակցությունների սեղանին: Իսկ իր դիվերսանտներին ինչքան ուղարկի, այնքան կսպանվեն կամ գերի կվերցվեն, որովհետեւ բոլոր քայլերը, որոնք ուղղված կլինեն ԼՂՀ անկախության դեմ, կպատժվեն, եւ իրենք էլ դա շատ լավ գիտեն»,- ասաց ՀՀԿ խմբակցության քարտուղար Էդուարդ Շարմազանովը «Առավոտի» հետ զրույցում: