Նախօրեին` կիրակի օրը, Տավուշի մարզի Բերդ քաղաքում ինքնասպանություն է գործել 13-ամյա մի աղջիկ: Դեռահաս աղջիկը` Շուշան Մխիթարյանը, կախվել է, իսկ թե ինչն է այդ տարիքի երեխային դրդել նման քայլի, դեռեւս հայտնի չէ: Մեր ունեցած տեղեկություններով` աղջիկը ինքնասպանություն է գործել տանը ժամը 16:00-ի սահմաններում: Տավուշի մարզի Բերդ քաղաքի ոստիկանությունից երեկ մեր թղթակցի հետ զրույցում հաստատել են դեպքը եւ հայտնել, որ մանրամասները դեռեւս ճշտվում են, սակայն, ինչպես միշտ լինում է անչափահասների ինքնասպանությունների դեպքում, անկախ գործի հանգամանքներից` քրեկան գործ է հարուցվել ՀՀ Քրեական օրենսգրքի 110 հոդվածի առաջին մասի (ինքնասպանության հասցնելը) հատկանիշներով, որը որպես պատիժ նախատեսում է մինչեւ 3 տարվա ազատազրկում: Այժմ ընթանում է նախաքննություն: