Այսօր «Հետքում» տեղադրված Մարիամ Սուխուդյանի «Քաչալանում են մեր սարերը, այս դեպքում` Ծաղկաձորը» հրապարակման առթիվ Բնապահպանության նախարարի հանձնարարականով Բնապահպանական պետական տեսչության Կոտայքի տարածքային բաժնի տեսուչները մեկնել են Ծաղկաձոր` պարզելու, թե ինչ վիճակ է այնտեղ: Բնապահպանության նախարարի մամուլի քարտուղար Հասմիկ Մկրտչյանը հայտնում է, որ տեղում պարզվել է, որ «Վալլետա» ԱՁ-ի տնօրեն Մանվել Բագրատյանը հատել է կաղնի տեսակի 30 սմ տրամագծով ծառը, որով բնությանը հասցվել է 67.500 դրամի վնաս: Կայացվել է 50.000 դրամի վարչական տուգանքի որոշում: Տեսուչները հայտնաբերել են նաև հրապարակման մեջ նշված մյուս հատված ծառերը, սակայն Հասմիկ Մկրտչյանի խոսքերով` դրանք հատվել են տարիներ առաջ: