Տեսանյութեր
Լուսանկարներ
Նոր հրաժարականներ
Նախօրեին ՀՀՇ երիտասարդական թևի ղեկավար Կարեն Կարապետյանի հրաժարականից հետո, «168 ժամի» տեղեկություններով, երեկ կուսակցության երիտթևից հրաժարվելու դիմումներ են ներկայացրել մեկ տասնյակից ավելի անդամներ:
ՀՀՇ վարչության նախագահ Արամ Մանուկյանը, մեկնաբանելով Կ.Կարապետյանի հրաժարականն, ասել էր. «Այստեղ որևէ քաղաքական ենթատեքստ չկա: Ուղղակի պատրաստվում ենք ՀՀՇ երիտթևի նոր համաժողովին, որտեղ կընտրվեն նոր նախագահ, նոր խորհուրդ…: Հիմա Կ.Կարապետյանն էլ է մասնակցում այդ համաժողովի նախապատրաստական աշխատանքներին»:
Սակայն երեկ «168 ժամի» թղթակցի հետո զրույցում Կ.Կարապետյանը, չմեկնաբանելով իր և ՀՀՇ երիտասարդական թևի անդամների հրաժարականները, նշել է, որ ինքն այլևս չի զբաղվում կուսակցության երիտասարդական թևի համաժողովի նախապատրաստական աշխատանքներով:
Հիշեցնենք, որ ՀՀՇ վարչության նախագահ Արարատ Զուրաբյանի և փոխնախագահ Խաչատուր Քոքոբելյանի հրաժարականից հետո Կ.Կարապետյանը հրաժարական էր ներկայացրել նաև կուսակցության լրատվական ծառայության ղեկավարի պաշտոնից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել