Ազգային ժողովն այսօր 2500 դրամով բարձրացրեց նվազագույն աշխատավարձի չափը` օրենքով սահմանելով 32.500 դրամ: Օրենքի փոփոխության քվեարկությանը չմասնակցեց միայն «Ժառանգություն» խմբակցությունը: «Ժառանգությունն» առաջարկում էր նվազագույն աշխատավարձը սահմանել 45.000 դրամ, ինչը չընդունվեց Կառավարության կողմից: Աշխատանքի եւ սոցիալական հարցերի փոխնախարար Արթուր Գրիգորյանն ասաց, թե նվազագույն աշխատավարձի կտրուկ բարձրացումը  կխախտեր մակրոտնտեսական ցուցանիշները: «Երկրում տիրող սոցիալական իրավիճակը պատկերացնելու համար հաճախակի շփվեք ժողովրդի հետ»,- Կառավարությանը խորհուրդ տվեց «Ժառանգությունից» Ա. Մարտիրոսյանը: