Նախօրեին` ժամը 14:40-ին, Հայաստանի փրկարար ծառայությունում ահազանգ է ստացվել, որ Երևան քաղաքում`ՀՀ ՊՆ համերգասրահի հարևանությամբ, տեղադրված է պայթուցիկ: Դեպքի վայր մեկնած փրկարները Բագրևանդի փողոցի թիվ 5 հասցեում գտնվող ՊՆ տարածքում պայթուցիկ չեն հայտնաբերել: Դեպքի վայրում պարզվել է, որ հնարավոր է` պայթուցիկ տեղադրված լինի Մոսկովյան փողոցի թիվ 5 հասցեում` պաշտպանության նախարարին առընթեր հասարակական խորհրդի դահլիճում: Օպերատիվ խմբերը մեկնել են նշյալ հասցե: Դեպքի վայր ժամանած ՊՆ սակրավորների խմբի կողմից նշյալ վայրում իրականացված որոնողական աշխատանքների արդյունքում նույնպես պայթուցիկ չի հայտաբերվել: Այս մասին հայտնում են փրկարար ծառայության մամլո գրասենյակից: