Տեսանյութեր
Լուսանկարներ
Վերահսկիչ պալատը կաշա՞ռք է պահանջել
Վերահսկիչ պալատի տարեկան հաշվետվության քննարկման ժամանակ, աղմկահարույց հայտարարություն արեց ԱԺ պատգամավոր Սպարտակ Մելիքյանը: Պատգամավորը նշեց, որ ՎՊ-ն կողմնակալ ձեւով է ուսումնասիրություններ կատարում եւ չարաշահումները բացահայտում:
Վերջերս ստուգումներ են կատարվել բուհերում, եւ բացահայտվել են մի շարք թերություններ: ՎՊ-ի կողմից արձանագրվել էր, որ թերություններ է թույլ տվել նաեւ «Անանիա Շիրակացի» համալսարանը: Ս. Մելիքյանն ասաց, որ ՎՊ-ն միտումնավոր հեղինակազրկել է բուհի բարի համբավն ու հեղինակությունը:
«Բանն այն է, որ համալսարանում ստուգում իրականացնող խմբի ղեկավարը համալսարանից պահանջել է 4000 դոլար կաշառք: Ստուգող խմբի ղեկավարն ասել է, որ դա համաձայնեցված է Իշխան Զաքարյանի հետ»,-ասաց Ս. Մելիքյանը: Պատգամավորի ասելով` մերժում ստանալով, ստուգող խմբի ղեկավարն ասել է, թե այնպես կանի, որ եթե նույնիսկ բուհին լիցենզիայից չզրկեն, ապա գոնե կհեղինակազրկեն:
Սպարտակ Մելիքյանը հայտարարեց, թե հուսով է, որ իր հայտարարությանը կարձագանքեն իրավասու մարմինները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել