Սեպտեմբերի 26–ին մայրաքաղաքի Տերյան 62 հասցեում գտնվող շենքի բակում արձանագրվել է ծառահատման դեպք։ Հատվել է բնի 15 սմ տրամագծով թվով 11 ծառ։

Քաղաքապետարանից տեղեկացնում են, որ նշված տարածքում սա ծառահատման երկրորդ փորձն է։

Սահմանված կարգի համաձայն՝ Երևանի քաղաքապետարանի աշխատակազմի բնապահպանության վարչությունը տեղյակ է պահել բնապահպանության տեսչության Երևանի տարածքային բաժնին եւ Կենտրոնի ոստիկանությանը։

Կատարվում է նախաքննություն։

Երևանի քաղաքապետ Կարեն Կարապետյանի հանձնարարությամբ՝ նույն տարածքը (Տերյան 62 հասցեի շենքի բակ) աշնանային ծառատունկի ժամանակ կլրացվի նոր՝ 13 տնկիներով։