«Հայկական ժամանակ» օրաթերթի գլխավոր խմբագիր Նիկոլ Փաշինյանի կնոջը՝ Աննա Հակոբյանին երեկ «Կոշ» ՔԿՀ-ում թույլ չեն տվել տեսակցել նրա հետ՝ պատճառաբանելով, որ նրան կարգապահական տույժի են ենթարկել, և որ նա գտնվում է պատժախցում, տեսակցություններն արգելվում են։ Երեկ հնարավոր չի եղել Ն. Փաշինյանի հետ որևէ կապ հաստատել։ Սակայն Ա. Հակոբյանն ասաց, որ ՔԿՀ-ներում մոնիտորինգ իրականացնող դիտորդական խմբի ղեկավար, իրավապաշտպան Արթուր Սաքունցի գլխավորած խումբն այցելել է ՔԿՀ։ Եվ խմբի անդամներից մեկը Աննա Հակոբյանին ասել է, որ Նիկոլի վիճակը նորմալ է։