Մանուկներին գրքի հետ կապելու, դեռ մանկուց նրանց մեջ գրքի նկատմամբ սեր արթնացնելու նպատակով նոյեմբերի 19-ին, ժամը 11:00-ին Հայաստանի Ազգային գրադարանը իր Շրջիկ գրադարանով կայցելի Երևանի Նանսենի 1 հասցեում գտնվող թիվ 99 նախապատրաստական ուսումնական հաստատություն: Բիբլիոբուսում մանուկները կծանոթանան հայ և օտարազգի մանկագիրների գրքերի ցուցադրությանը` Լիպարիտ Սարգսյանի, Սուրեն Մուրադյանի, Էդվարդ Միլիտոնյանի, Երվանդ Պետրոսյանի, Աթաբեկ Խնկոյանի և այլ գրողների գրքերին` մոտ 200 միավոր: Մանկապարտեզում մանուկների հետ հանդիպմանը կմասնակցեն նաև մանկագիրներ: Հայաստանի Ազգային գրադարանը, նաև մանկագիրները երեխաներին կնվիրեն մանկական գրքեր, գրենական պիտույքներ, կլինեն գրական կարճ ներկայացումներ: Կներկայացվեն խտասկավառակներ, որտեղ Հովհաննես Թումանյանի մի քանի հեքիաթներ են  և «Սասունցի Դավիթ» էպոսի «Դավոյի ամուսնությունը» գլուխը` Սուրեն Քոչարյանի և Ժան Էլոյանի ընթերցմամբ: Այդ խտասկավառակները Ազգային գրադարանը կնվիրի մանկապարտեզին: Ինչպես հայտնում է Ազգային գրադարանի հանրության հետ կապերի և միջոցառումների կազմակերպման բաժինը, այս նախաձեռնությունը` մանուկների շրջանում գրքի քարոզչությունը, Ազգային գրադարանը կդարձնի շարունակական: