Մանրամասները կհայտնվեն 1-2 ժամից Նոյեմբերի 19-ին` ժամը 24:00-ի սահմաններում, Պաշտպանության բանակի հարավային ուղղությամբ տեղակայված զորամասերից մեկի պահպանության տակ գտնվող առաջնային բնագծում տեղի է ունեցել մահվան ելքով արտակարգ միջադեպ: Կան զոհեր և վիրավորներ: Հարուցվել է քրեական գործ, կատարվում է նախաքննություն: Այս մասին հայտնում է ՊԲ Լրատվության և քարոզչության բաժինը: ՀՀ ՊՆ մամուլի խոսնակ Դավիթ Կարապետյանը «Հետքին» հայտնեց, որ առայժմ նախաքննություն է ընթանում, և ստույգ տեղեկություններ այս պահին չի կարող հայտնել: Ըստ նրա` 1-2 ժամից ՊԲ-ն նոր հաղորդագրություն կտարածի: Դավիթ Կարապետյանը չկարողացավ կոնկրետ պատասխանել նաև այն հարցին, թե միջադեպը դիվերսիոն գործողությունների՞, թե՞ ներքին կարգապահական խախտման հետևանք է: