Լիմասոլում ընթացող ծանրամարտի Եվրոպայի մինչեւ 23 տարեկանների առաջնությունում Հայաստանը երկու արծաթե մեդալներից հետո նվաճել է նաեւ բրոնզե մեդալ: 69 կգ քաշային կարգում Վանիկ Ավետիսյանը երկամարտի 300 կգ արդյունքով գրավել է երրորդ տեղը` առաջ թողնելով մոլդովացի Ալեքսանդրու Շպակին` 313 կգ եւ ռուսաստանցի Օլեգ Չենին` 328 կգ: Նույն քաշային կարգի մինչեւ 21 տարեկանների առաջնությունում Զորիկ Պողոսյանը գրավել է 7-րդ տեղը` երկամարտում հավաքելով 293 կգ: Հիշեցնենք, որ մինչեւ 23 տարեկանների մրցաշարում արծաթե մեդալ էին նվաճել 53 կգ քաշային Էլեն Գրիգորյանը եւ 62 կգ-ային Ռուբեն Մամոյանը: