Այսօր ոստիկանության Էրեբունու բաժնի աշխատակիցներն օպերատիվ տվյալներն իրացնելիս բերման են ենթարկել 28-ամյա Դմիտրի Պողոսյանին:

Պարզվել է, որ նախորդ օրը Դ. Պողոսյանը, ով Էրեբունու վարչական շրջանի ավտոլվացման կետի աշխատակից է, փախցրել էր լվացման նպատակով իրեն տրված «ԱրմԴավ կոմֆորտ» տաքսի ծառայությանը պատկանող «Daewoo Nexia» մակնիշի Լ 1315 համարանիշի ավտոմեքենան:

Ինչպես հայտնում է ֆոտոլրագրող Գագիկ Շամշյանը, մի քանի շիշ գարեջուր խմելուց հետո Պողոսյանն ավտոմեքենան վթարի էր ենթարկել Կարապետ Ուլնեցու և Ներսիսյան փողոցների հատման մասում՝ բախվելով բնակելի սեփական տան պատին: 

Լուսանկարները՝ Գագիկ Շամշյանի