1992թ.–ին ՄԱԿ-ի Գլխավոր ասամբլեան  դեկտեմբերի 3-ը հռչակեց Հաշմանդամների միջազգային օր: 2007թ. մարտի 30-ին, Նյու Յորքում, ՄԱԿ- ի Գլխավոր ասամբլեայի դահլիճում կայացավ Հաշմանդամ անձանց իրավունքների կոնվենցիայի ստորագրման հանդիսավոր արարողությունը: Աշխարհի 81 երկիր, որոնց թվում է նաև Հայաստանը, ստորագրեց փաստաթուղթը: ՀՀ մարդու իրավունքների պաշտպան Արմեն Հարությունյանը, ինչպես հայտնում են ՄԻՊ գրասենյակի տեղեկատվության եւ հասարակայնության հետ կապերի բաժնից, հորդորում է նպաստել հաշմանդամների խնդիրների լուծմանը, պաշտպանել նրանց արժանապատվությունը, ապահովել նրանց լիակատար ինտեգրումը հասարակություն: