Այսօր Հայաստանում Շվեյցարիայի նորանշանակ դեսպան Գյունթեր Բեխլերը (նստավայրը` Թբիլիսի) իր հավատարմագրերի պատճենը հանձնել է Հայաստանի արտաքին գործերի նախարար Էդվարդ Նալբանդյանին: Վերջինս վստահություն է հայտնել, որ նորանշանակ դեսպանն իր գործունեությամբ կնպաստի Հայաստանի եւ Շվեյցարիայի միջեւ բարեկամական հարաբերությունների հետագա զարգացմանը: Դեսպան Բեխլերն էլ վստահություն է հայտնել, որ կանի հնարավորը հայ-շվեյցարական հարաբերությունների առավել սերտացման համար: ԱԳՆ մամլո ծառայությունից հայտնում են, որ հանդիպման ընթացքում անդրադարձ է կատարվել նաեւ Հայաստանի եւ Շվեյցարիայի համագործակցությանը միջազգային կազմակերպությունների շրջանակներում: Զրուցակիցները մտքեր են փոխանակել մի շարք միջազգային տարածաշրջանային հարցերի շուրջ: