Հայտարարում են Հայաստանում ուրանի ծրագիրն իրականացնողները Ճառագայթային անվտանգության պետական կոմիտեն պնդում է, որ Լեռնաձորում ռադիացիոն ֆոնը նորմալ է: Տեղի աշխատողները ֆոնը ստուգում են դոզիմետրով, որն արձանագրում է 40 միլիռենտգեն: Նրանց համոզել են եւ նրանք կրկնում են, որ դա Հայաստանի համար վտանգավոր չէ, եւ որ մենք կարող ենք ապրել նման ռադիացիայի պայմաններում: Մարդիկ փորձում են իրենց պաշտպանել, բայց նրանց նկատմամբ սկսում են խիստ միջոցառումներ կիրառել: Այսպես, վարկած կա, որ հորատման սարքն այրվել է կարճ միացման արդյունքում: Սակայն մինչ օրս ոստիկանությունը գյուղի բնակիչներին հարցաքննության է կանչում, նրանց վրա ճնշում է գործադրում: «Լեռնաձորցիներն իրենց անպաշտպան են զգում, մոլորված… »,- ասում են ակտիվիստները: Լեռնաձորցիներն ավելի ու ավելի շատ են խոսում արտագաղթի մասին: Աշխատատեղերով ապահովված սակավաթիվ գյուղերից մեկը` Լեռնաձորը, կարող է դատարկվել: Ցավոք, պատասխանատու անձիք Սյունիքից արտագաղթման ռիսկերի մասին լռում են: Ուրանի ծրագրի անվտանգությունը երաշխավորելու պարտավորությունն իր վրա է վերցրել Էներգետիկայի եւ բնական պաշարների նախարարությունը` Հայաստանում ուրանային ծրագիրն իրականացնող «Հայ-ռուսական լեռնահանքային կազմակերպություն» ՓԲԸ-ի 50% բաժնետոմսերի տիրապետման իրավունքով: Հիշեցնենք, որ նոյեմբերի 11-ի հակաուրանային հանրահավաքից հետո` հաջորդ օրը, նախարար Արմեն Մովսիսյանը ժամանեց Կապան, որտեղ մի շարք հանդիպումներ անցկացրեց տեղական վարչակազմի եւ բիզնեսի հետ, որից հետո մի շարք հայտարարություններ արեց տեղական լրատվամիջոցներով: «ԷկոԼուր» ՀԿ