Ազգային անվտանգության խորհրդի քարտուղար Արթուր Բաղդասարյանը «Հետքի» հետ զրույցում բացարձակապես սուտ է որակել այն լուրերը, որ ինքն առաջիկայում նշանակվելու է ՀՀ գլխավոր դատախազի պաշտոնում: Ա. Բաղդասարյանը վստահեցնում է, որ նախագահ Սերժ Սարգսյանի հետ այդ հարցի շուրջ քննարկում չի եղել: «Ինձ մեկ ԱԺ նախագահ են նշանակում, մեկ` գլխավոր դատախազ: Նպատակը մեկն է` պղտոր ջրում ձուկ որսալ: Ես ինձ լավ եմ զգում ներկայիս պաշտոնում եւ որեւէ այլ պաշտոնի անցնելու ցանկություն չունեմ»,- ասում է Արթուր Բաղդասարյանը: Ազգային անվտանգության խորհրդի քարտուղարն անհավանական է համարում նաեւ համապետական ընտրություններից առաջ իրեն այլ պաշտոնում նշանակելը` ասելով, թե «նման խոսակցություններ չկան»: