Այսօր Ազգային ժողովի «Բաց դռներ» ծրագրի շրջանակներում Երեւանի Քանաքեռ-Զեյթուն վարչական համայնքի դպրոցների մի խումբ բարձր  դասարանցիների հյուրընկալեց եւ հերթական «բաց դասն» անցկացրեց ԱԺ փոխնախագահ Սամվել Նիկոյանը: Պարոն Նիկոյանը ներկայացրեց օրենսդիր մարմնի կառուցվածքը, խորհրդարանի ձեւավորման կարգը, օրենքների ընդունման ընթացակարգը, ապա հանգամանալից պատասխանեց հանդիպման մասնակիցների բազմաթիվ  հարցերին: Ծավալվեց ջերմ եւ անկաշկանդ երկխոսություն, հարցերին տրվեցին սպառիչ պատասխաններ: