Նոյեմբերի 22-ին` ժամը 15.40-ի սահմաններում, ոստիկանության Շենգավիթի բաժնում ահազանգ էր ստացվել, որ Գարեգին Նժդեհի փողոցում գտնվող Բելինսկու անվան դպրոց-վարժարանի շենքում ռումբ է տեղադրված, որը պայթելու է: Մեկնած օպերատիվ խումբը պարզել էր, որ ահազանգը կեղծ է, հաղորդումը չի համապատասխանում իրականությանը: ՀՀ ԱԱԾ և ոստիկանության ծառայողների ձեռնարկած միջոցառումների արդյունքում պարզվել է, որ ահազանգի հեղինակը Երևան քաղաքի Գարեգին Նժդեհի փողոցի բնակիչ, Երևանի հոգեբուժական կենտրոնում հաշվառման մեջ գտնվող, 1985 թ. ծնված Կարեն Սաթյանն է, ում նկատմամբ նշանակվել է դատահոգեբուժական փորձաքննություն: Փաստի առթիվ հարուցված քրեական գործի նախաքննությունը շարունակվում է: