Տեսանյութեր
Լուսանկարներ
Տարեցների նկատմամբ խտրականությունը և հասարակությունից դուրս մղումը դեռ գոյություն ունեն
ՄԱԿ-ի գլխավոր քարտուղարի ուղերձը Տարեցների միջազգային օրվա առթիվ
Հաջորդ տարի կլրանա տասը տարին, ինչ ընդունվել է Մադրիդյան Տարիքային հարցերի մասին գործությունների ծրագիրը: Այս տարվա Տարեցների միջազգային օրվա թեման է «Մադրիդ + 10-ի մեկնարկը. գլոբալ տարեցության աճող հնարավորություններն ու մարտահրավերները»: Սա նշանավորում է այս գալիք տարեդարձը:
Այս տարի մենք նաև նշում ենք Տարեց մարդկանց մասին ՄԱԿ-ի որդեգրած սկզբունքների 20-ամյակը: Այս հիմնական սկզբունքները՝ անկախություն, մասնակցություն, խնամք, ինքնադրսևորում և արժանապատվություն, և պահպանում են տարեց մարդկանց իրավունքները, և տալիս են մեզ այն նպատակները, որոնց համար մենք աշխատում ենք:
Տարեց մարդկանց մոտավորապես երկու երրորդը ապրում է զարգացող երկրներում, մինչդեռ նրանք լայնորեն դուրս են թողնվում գլոբալ, տարածաշրջանային և ազգային զարգացման օրակարգերից:
Երբ միջազգային համայնքը պատրաստվում է կայուն զարգացմանը և ցանկանում զարգացման օրակարգ հաստատել ապագայի համար, շատ կարևոր է, որ տարեց մարդկանց կարիքները և ներդրումները հաշվի առնվեն: Տարեց մարդիկ շատ հզոր և կարևոր ներդնողներ են հասարակության զարգացման և կայունության համար, և ավելի շատ բան կարելի է և պետք է արվի՝ նրանց ներուժը օգտագործելու համար:
Վերջին տասնամյակի ընթացքում տարիքային հարցերին վերաբերող ազգային գործողությունների պլանների ձևավորման մեջ մեծ առաջընթաց է նկատվել՝ ներառյալ ոչ ներդրումային կենսաթոշակների հայտնվելը որոշ զարգացող երկրներում:
Այնուամենայնիվ, խտրականությունը և հասարակությունից դուրս մղումը շարունակում են գոյություն ունենալ: Այս հիմնահարցերը առաջնային են Գլխավոր ասամբլեայի վերջերս հիմնադրած, տարիքային հարցերի հետ կապված բաց աշխատանքային խմբում:
Տարեց մարդկանց գլոբալ զարգացման տարելիցները հիշատակելիս թույլ տվեք անցնել Մադրիդյան գործողությունների պլանի լիակատար իրականացմանը: Ներկայիս ֆինանսական միջավայրում մենք պետք է հետևողական լինենք, որ ապահովված լինեն հասարակական պաշտպանության ու երկարաժամկետ խնամքի տրամադրումը, ինչպես նաև հանրային առողջապահության մատչելիությունը տարեցներին:
Տարեցների միջազգային այս օրը ես կոչ եմ անում կառավարություններին և համայնքներին ամենուր ավելի շատ հնարավորություններ ընձեռել տարեց բնակչությանը:
Մեկնաբանություններ (1)
Մեկնաբանել