Այսօր կառավարությունում տեղի է ունեցել խորհրդակցություն Հայաստանի կիբեռահաբեկչության դեմ պայքարի ազգային ծրագրի վերաբերյալ: Խորհրդակցությունը վարել է վարչապետ Տիգրան Սարգսյանը: Խորհրդակցության ընթացքում ներկայացվել է Հայաստանի Հանրապետությունում կիբեռահաբեկչության դեմ պայքարի ազգային ծրագրի նախագիծը: Մասնավորապես, փաստաթղթում ներկայացված են կիբեռահաբեկչության դեմ պայքարի պետական քաղաքականության հիմնական ուղղություններն ու միջոցառումները: Խորհրդակցության մասնակիցներն ընդգծել են, որ ներկայացված նախագծում անհրաժեշտ է ներառել շահագրգիռ գերատեսչությունների ղեկավարների և ներկայացուցիչների առաջարկությունների ու դիտողությունները: Խորհրդակցության մասնակիցները հավանության են արժանացրել ՀՀ-ում կիբեռահաբեկչության դեմ պայքարի ազգային ծրագրի նախագիծը: