ՀՀ առողջապահության նախարարի դեկտեմբերի 8-ի հրամանով անվավեր է ճանաչվել Ֆ.Հոֆման-Լա Ռոշ Լտդ Շվեյցարիայի արտադրության «Տիբերալ (օրնիդազոլ) 500մգ (10) թաղանթապատ դեղահատեր» դեղի գրանցումը: Հայաստանում այս դեղի շրջանառությունը դադարեցվել է: Ըստ առողջապահության նախարարության կայքի` դեղի գրանցումն անվավեր է ճանաչվել` հիմք ընդունելով ՀՀ կառավարության ապրիլի 25-ի որոշումը և հաշվի առնելով Առողջապահության նախարարության դեղաբանական խորհրդի նոյեմբերի 26-ի նիստի եզրակացությունը, «Դեղերի և բժշկական տեխնոլոգիաների փորձագիտական կենտրոն» ՓԲԸ-ի 02.11.2010թ., ինչպես նաև Ֆ.Հոֆման-Լա Ռոշ ընկերության 13.10.2010թ գրությունները: