Տեսանյութեր
Լուսանկարներ
Տեղի բնակիչները հրդեհում են, ազգային պարկն ու հրշեջները` հանգցնում
«Դիլիջան» ազգային պարկի տարածքում հազիվ է հաջողվում կանգնեցնել տեղի բնակիչների հրահրած հրդեհները: Ինչպես «ԷկոԼուր»-ին հայտնեց Դիլիջանի «Օրհուս» կենտրոնի համակարգող Արարատ Ալիխանյանը, երկու օր անց հրշեջ խմբերի և Ազգային պարկի ուժերով հաջողվեց թույլ չտալ, որ հրդեհը խոտհարքերից անցնի անտառին:
«Բնակիչները հրդեհում են խոտը` մտածելով, որ բերքը հաջորդ տարի ավելի լավը կլինի: Իսկ հիմա շատ չոր եղանակ է, և այրվել է 30-40 հա տարածք: Լավ է, որ հաջողվեց կրակը կանգնեցնել, քանի որ մեքենաների համար այդ վայրերը դժվարանցանելի են»,- «ԷկոԼուր»-ին ասաց Արարատ Ալիխանյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել