Դեկտեմբերի 21-ին` ժամը 01.00-ին, ոստիկանության Սևանի բաժնում հաղորդում է ստացվել, որ կողոսկրերի կոտրվածքներով և թիկունքի ծակած վերքով հիվանդանոց է տեղափոխվել նախկինում դատապարտված, 1978 թ. ծնված Մարատ Գ.-ն: Ոստիկանները պարզել են, որ նա վնասվածքներն ստացել է Երևան-Իջևան ճանապարհի 69-րդ կմ-ին գտնվող խորտկարանում: Դեպքի վայրի զննությամբ խորտկարանի պատուհանների վրա հայտնաբերվել են հրազենից արձակված կրակոցի հետքեր, իսկ խորտկարանի հետնամասում` «ԱԿՍ» ինքնաձիգի 5,45 մմ տրամաչափի 11 պարկուճ: Հանգամանքները պարզվում են: Կատարվում է հետաքննություն: