Արագածոտնում ամփոփվեց անցնող տարին
Անցյալ տարի Արագածոտնի մարզը գյուղատնտեսության համախառն արտադրանքի արդյունքով հանրապետությունում զբաղեցնում էր երկրորդ տեղը: Այս տարի լուրջ հետընթաց է գրանցվել, ինչը պայմանավորված է անբարենպաստ եղանակային պայմաններով: Միայն կարկտահարությունից այս տարի մարզը կրել է 2 մլրդ 77 մլն դրամի վնաս: Մարզում շուրջ 40 հազար տոննայով պակաս պտուղ է արտադրվել, մոտ 9 հազար տոննա էլ` հացահատիկ:
Երեկ կայացավ Արագածոտնի մարզխորհրդի տարեվերջյան նիստը: Ամփոփվեցին 2010 թվականին իրականացրած ծրագրերը:
Դեկտեմբերի 25-ի տվյալներով մարզում սեփական եկամուտների հավաքագրումը կատարվել է 84,4 %-ով:
Ըստ տարածաշրջանների լավագույն ցուցանիշը Ապարանի տարածքինն է` 101.1%: Մարզպետ Սարգիս Սահակյանն ասաց, որ ներկայացված տվյալները վերջնական չէ, եւ մինչեւ տարեվերջ դեռ հավաքագրման համար ժամանակ կա եւ համայնքապետերն ամեն ինչ պետք է անեն հավաքագրման տոկոսը բարձրացնելու ուղղությամբ:
Մարզպետը ներկայացրեց, որ 2010 թվականին տարբեր ծրագրերով մարզում իրականացվել է մոտ 14 միլիարդ դրամի ներդրում, ինչը նախորդ տարվա համեմատ 9 միլիարդ 909 մլն. դրամով ավել է:
Մարզխորհրդի նիստի ավարտին 2010 թ. սեփական եւ պետության կողմից պատվիրակված լիազորությունների լիարժեք կատարման եւ արձանագրված բարձր ցուցանիշերի համար մարզի 26 համայնքապետերի մարզպետը շնորհեց պատվոգրեր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել