Տեսանյութեր
Լուսանկարներ
Վարչապետը պարգևատրել է լավագույն ստեղծագործությունների հեղինակներին
Վարչապետ Տիգրան Սարգսյանն այսօր ընդունել է Տիգրան Մեծի ծննդյան 2150-ամյակին նվիրված տոնակատարությունների շրջանակում ՀՀ վարչապետի բարձր հովանու ներքո կազմակերպված մեկ աշխատանքի ցուցահանդես-մրցույթում հաղթողներին:
Ցուցահանդեսում լավագույնն են ճանաչվել գրաֆիկայի ճյուղում` Անահիտ Զարդարյանի «Մանեկեններ», դեկորատիվ արվեստի ճյուղում` Շահեն Ասլանյանի «Վերածնունդ», գեղանկարչության ճյուղում` Սրապիոն Դանիելյանի «Մոշ վաճառող ծերունին» և քանդակի ճյուղում` Հարություն Կարապետյանի «Առյուծ Մհերը» ստեղծագործությունները:
Վարչապետը հաղթող ճանաչված աշխատանքների հեղինակներին պարգևատրել է Վարդգես Սուրենյանցի անվան մեդալներով և վկայագրերով: Վարդգես Սուրենյանցի անվան մեդալները` պատրաստված Աշխարհի հայ նկարիչների միավորման կողմից, հանձնվում էին առաջին անգամ:
Հանդիպմանը մասնակցում էին նաև Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանը, Ամերիկայի Արևելյան թեմի առաջնորդ Տ. Խաժակ արքեպիսկոպոս Պարսամյանը, Աշխարհի հայ նկարիչների միավորման համանախագահներ Ղազար Միրզոյանը և Անահիտ Մխիթարյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել