Վարչապետ Տիգրան Սարգսյանն այսօրվա կառավարության նիստում անդրադարձել է նաև սոցիալական նպաստին, նշել, որ առաջիկայում հիմնովին փոխվելու է դրա հատկացման տրամաբանությունը։ Գաղտնիք չէ, որ նպաստի ավելացումը նվազեցնում է մարդկանց աշխատելու դրդապատճառը, ուստի կիրառվելու են այլ մեխանիզմներ։ Դրանցից է բնակչության կողմից անասուններ պահելը խրախուսելու կառավարության նախաձեռնությունը։ Այդ եկամուտը չի հարկվելու։ Դրանով, ճիշտ է, մեծանում է պետության սոցիալական բեռը, բայց և նոր խթան կարող է ստանալ գյուղատնտեսության ոլորտը։