Փառք Բարձրեալն Աստուծոյ, որ այս տարի ալ մեզի կերակրեց մեր տաքուկ տուներուն մէջ` շրջապատուած մեր սիրելիներով: Փառք Անոր, որ ժպիտը անպակաս ըրաւ մեր դէմքերէն: Բայց կարելի՞ է այդ ժպիտը պահել մեր դէմքերուն վրայ, երբ բազմանդամ հայ ընտանիք մը Հայաստանի մէջ կ’ապրի լքուած վիճակի մէջ` այս ցուրտ օդին: Ընտանիք մը, որ Նոր Տարին կը նշէ առանց սեղանի: Դանիելեան ընտանիքը կ'ապրի Հագվի գիւղին մէջ, որ կը գտնուի Հայաստանի Հանրապետութեան Լոռի մարզին մէջ: Ընտանիքը կազմուած է 10 անդամներէ՝ Արթիւր Դանիելեանը 43տ եւ Նատյա Շավինեանը իրենց 8 զաւակներով՝ Սյուզանա, Նարեկ, Լիլիթ, Նուէր, Էտկար, Րուզանա, Լիանա եւ 9 ամսուայ Նարէն: 2010 թուականի Մարտի 20-էն իվեր այս բազմանդամ ընտանիքը, տանտէրի հրամանով լքելով իրենց վարցած բնակարանը, յայտնուած են անմխիթար վիճակի մէջ: Իսկ Հիմա կ’ապրի կացցարանի մը մէջ, ուր ոչ պատուհան կայ, ոչ դուռ եւ ոչ ալ տանիք: Եվ հոն կան մանուկներ, հայ մանուկներ: Ինչո՞ւ իրենք իրաւունքը պիտի չ’ունենան ապրելու, վայելելու, ուրախանալու եւ քէթ տաքուկ տուն մը ունենալու: Եկէք, սիրելիներ, մեր բաժինը տանք եւ փրկենք կեանքեր այս Ծննդեան տօնին առիթով: Միասին նուիրենք իրենց այն տունը, ուր պիտի ապրին մանուկներ իրենց հօր ու մօր սիրով, ինչպէս մենք: Մանրամասն տեղեկութիւններուն ծանօթանալու համար եւ այս բարեգործութեանը մասնակցելու համար այցելել http://www.imarmenian.com/mobilization կայք: Մինջեւ օրս հաւաքածենք բաւական գումար բայց տակաւին կը կարօտինք յաւելեալ քաջալերանքներու, որպէսզի այս զործը հասցնենք յաջողութեան վախճանին: Շնորհակալութիւն բոլոր անոնց որոնք վստահեցան մեզ եւ մասնակցեցան այս բարի եւ պատուոյ գործին: Շնորհաւոր Նոր Տարի եւ Սուրբ Ծնունդ: Հարմանտայեան Ասպետ Ֆրանսա, 06.01.2011