Հայաստանում հունվարի մեկից ինն ընկած ժամանակահատվածում սուր շնչառական վարակների և թոքաբորբերի առումով համաճարակային իրավիճակը եղել է համեմատաբար հանգիստ: Սուր շնչառական վարակներով կանչերը կազմել են տոնական օրերին գրանցված շտապօգնության կանչերի 10 %-ը (նախորդ օրերի 60-70%-ի փոխարեն): Նշված ժամանակահատվածում հանրապետության հիվանդանոցներ հոսպիտալացվել է թոքաբորբով 17 հիվանդ, որոնցից 3-ը լավացումով դուրս է գրվել, իսկ մյուսներն առողջացման դրական դինամիկա ունեն: Այս մասին հայտնում է ՀՀ առողջապահության նախարարությունը: