Նոր տարվա նախօրեի բուռն տոնախմբությունների ժամանակ հետաքրքիր միջադեպեր են տեղի ուենեցել, որոնց մասին դրանց մասնակիցները պատմում են օրեր անց: «Օջախ» ռեստորանային համալիրում տեղի ունեցած նման մի տոնախմբության ժամանակ, որին մասնակցել են ՀՀ գլխավոր դատախազ Աղվան Հովսեփյանը, ֆուտբոլի ֆեդերացիայի նախագահ Ռուբեն Հայրապետյանը եւ ուրիշներ, քեֆն այնքան է թեժացել, որ մասնակիցները դուրս են եկել բակ եւ քեֆն այնտեղ են շարունակել: Բակ են հանել նաեւ նվագողներին ու երգողներին: Ապա քեֆի թունդ պահին ոմանք հանել են զենքերը եւ սկսել կրակել: Ինչ-որ մեկի մտքով անցել է որպես նշանակետ օգտագործել «Օջախի» «Օ» տառը, որը հավանաբար իր կլորությամբ մարդու գլխի են նմանեցրել: Հրազենային կրակոցներն այնպես են վախեցրել երիտասարդ երգչուհուն, որ նա քիչ է մնացել ուշագնաց լինի. նա երգելիս է եղել այդ «Օ»-ից մի քանի մետրի վրա, եւ նրան ստիպել են ողջ ընթացքում շարունակել երգելը: Երաժիշտները հատկապես ապշել են, որ այդ ամենը տեղի է ունենում հենց գլխավոր դատախազի աչքի առաջ: