Օրերս մամուլում տեղեկություն հայտնվեց այն մասին, որ Կենտրոն վարչական շրջանի անձնակազմը Տերյան 44 հասցեից տեղափոխվելու է Բուզանդ 1/3` «Երեւաննախագիծ» ինտիտուտի շենք: Պատճառն իբր այն է, որ շենքը անցյալ տարի սեփականաշնորհվել է: Սակայն վարչական շրջանի ղեկավար Գագիկ Գյանջումյանը ասել էր, որ նման բան առաջին անգամ է լսում: Երեւանի քաղաքապետարանի մամուլի քարտուղար Շուշան Սարդարյանը այսօր «Հետքին» հայտնեց, որ վարչական շրջանի անձնակազմի տեղափոխման լուրերը իրականությանը չեն համապատասխանում. կառույցը գործելու է նույն հասցեում: