Հատուկ քննչական ծառայության վարույթում քննվող քրեական գործով ԱԱԾ Արմավիրի մարզային վարչության Էջմիածնի բաժնի ավագ օպերլիազոր Ա. Անտոնյանին մեղադրանք է առաջադրվել պաշտոնեական լիազորությունները չարաշահելու և սուտ մատնության համար: Նախաքննությամբ պարզվել է, որ մայոր Արայիկ Անտոնյանը, չարաշահելով իր պաշտոնեական լիազորությունները, Էջմիածնի բնակչուհի Մ.-ին դրդել է Գ. Մկրտչյանի նկատմամբ ծանր հանցագործության մեջ սուտ մատնություն կատարելու` միաժամանակ ստեղծելով մեղադրանքի արհեստական ապացույցներ: «Գործով ձեռք բերված ապացույցների հիման վրա Ա. Անտոնյանը ներգրավվել է որպես մեղադրյալ` ՀՀ քրեական օրենսգրքի 308-րդ հոդվածի 1-ին մասով և 34-333-րդ հոդվածի 2-րդ մասի 1-ին և 2-րդ կետերով»,- հաղորդում են Հատուկ քննչական ծառայությունից: