Տեսանյութեր
Լուսանկարներ
Գործ կխնդրեն
Բացօթյա առեւտուր իրականացնող շուրջ 10 քաղաքացիների եւ քաղաքապետարանի առեւտրի եւ սպասարկումների վարչության պետ Արմեն Սարգսյանի հանդիպմանը, որ երեկ տեղի է ունեցել քաղաքապետարանում, մասնակցել են երկու գնդապետ: Նրանցից մեկը, ինչպես մեր թղթակցին փոխանցել են առեւտրականները, եղել է ԱԱԾ աշխատակից, մյուսը` ոստիկանության:
Ա. Սարգսյանը նրանց ներկայացրել է որպես իր ընկեր, սակայն գնդապետները միջամտել են աշխատանքային հանդիպմանը եւ ընթացքում սպառնացել առավել բորբոքված առեւտրականներին:
Բացօթյա առեւտրով զբաղվող քաղաքացիներն այսօր առավոտյան հավաքվելու են Երեւանի քաղաքապետարանի մոտ, որտեղից երթով կշարժվեն դեպի նախագահի նստավայր: Այսօր Հայաստան է ժամանելու Վրաստանի նախագահ Մ. Սահակաշվիլին:
«Գնալու ենք, դիմենք Սահակաշվիլիին, քանի որ Վրաստանի օրենքները շատ ժողովրդավարական են, կխնդրենք Վրաստանում մեզ աշխատանք տալ»,- մեր թղթակցին ասել են առեւտրականները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել