Հունվարի 22-ին և 23-ին ղարաբաղաադրբեջանական զորքերի շփման գծում արձանագրվել է հակառակորդի կողմից հրադադարի ռեժիմի խախտման դեպքերի աննախադեպ աճ: Նշված երկու օրվա ընթացքում ադրբեջանական բանակի առաջապահ ուժերը «AK», «CBD», «Սև նետ», «PK» և «YTEC» տիպի զինատեսակներից շուրջ 90 անգամ խախտել են հրադադարը և հայկական դիրքերի վրա արձակել ավելի քան 300 կրակոց:

Պաշտպանության բանակի Լրատվության և քարոզչության բաժինը հայտնում է, որ ՊԲ դիրքապահ ստորաբաժանումների ձեռնարկած պատասխան գործողությունները ճնշել են թշնամու ակտիվությունը: Հրադադարի խախտման արդյունքում հայկական ուժերը կորուստներ չեն ունեցել: