Գերմանական Կարմիր խաչի Բադեն – Վյուրտեմբերգ երկրամասային կազմակերպության կողմից մայրաքաղաքում իրականացվող բարեգործական ծրագրերը կշարունակվեն: Այս մասին նշվեց Երևանի քաղաքապետ Կարեն Կարապետյանի և գերմանական Կարմիր խաչի Բադեն - Վյուրտեմբերգ երկրամասային կազմակերպության ներկայացուցիչ Կառլ - Հայնց Շայդեի հանդիպման ընթացքում: Երևանի քաղաքապետը շնորհակալություն հայտնեց գերմանական Կարմիր խաչի ներկայացուցիչներին մայրաքաղաքում իրականացվող բարեգործական ծրագրերի և մարդասիրական կարևոր առաքելության համար: Շնորհակալություն հայտնելով ընդունելության համար` հյուրերը Երևանի քաղաքապետին հանձնեցին գերմանական Կարմիր խաչ կազմակերպության նախագահի և նախագահության կողմից ուղարկված ողջույնի խոսքը: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը: