Նախագահ Սերժ Սարգսյանն այսօր մասնակցել է Երևանի պետական համալսարանի (ԵՊՀ) խորհրդի նիստին, որի օրակարգում նոր ձևավորված խորհրդի կողմից խորհրդի նախագահի և քարտուղարի ընտրությունն էր: Նիստի մասնակիցների կողմից ԵՊՀ խորհրդի նախագահի պաշտոնում առաջադրվել է Սերժ Սարգսյանի թեկնածությունը: Խորհրդի քվեարկության արդյունքում նա վերընտրվել է Երևանի պետական համալսարանի խորհրդի նախագահ: Ինչպես հայտնում են նախագահի մամլո ծառայությունից, խորհրդի քարտուղար է ընտրվել Դավիթ Հայրապետյանը: