Պաշտպանության նախարարության քննչական ծառայության 8-րդ կայազորային բաժինն ավարտել է 20-ամյա Զարուհի Պետրոսյանի սպանության գործի քննությունը: Գործը մեղադրական եզրակացությամբ այսօր ուղարկվել է զինվորական դատախազության Եղեգնաձորի կայազորի դատախազության հաստատմանը, որտեղ մեղադրանքը հաստատելուց հետո այն կուղարկեն Արարատի և Վայոց Ձորի մարզերի ընդհանուր իրավասության դատարան` ըստ էության քննության:

Այս մասին «Հետքին» հայտնեց ՀՀ ՊՆ քննչական ծառայության հասարակայնության հետ կապերի պատասխանատու Մերի Սարգսյանը: Հիշեցնենք, որ 20-ամյա կինը մահացել էր 2010 թ. հոկտեմբերի 1-ին: Նրան իր բնակարանում ծեծի էր ենթարկել ամուսինը` Յանիս Սարկիսովը, որը զինվորական է: Վերջինս նախնական կալանքի տակ է գտնվում: