![25_11-N-Zohrabyan](https://hetq.am/wp-content/uploads/2009/11/25_11-N-Zohrabyan.jpg)
ԵԽԽՎ ադրբեջանական պատվիրակության անդամ Ռաֆիկ Հուսեյնովը ԵԽԽՎ հունվարյան նստաշրջանի ժամանակ Ազգային ժողովի պատգամավոր Նաիրա Զոհրաբյանին անվանել էր «հայտնի հայ ազգայնամոլ» և այլ որակումներ տվել: Այսօր հրավիրած ասուլիսի ժամանակ լրագրողները հետաքրքրվեցին Նաիրա Զոհրաբյանից, թե ինչ միջոցներ է ձեռնարկել ադրբեջանցի պատվիրակի վիրավորանքների առթիվ:
«Անկեղծ ասած, եթե ես Ռաֆիկ Հուսեյնովի կամ ադրբեջանական պատվիրակության որևէ անդամի լուրջ վերաբերվեի և նրանց ասածները լուրջ գնահատեի, բնականաբար, անպայմանորեն քայլեր կձեռնարկեի»,- նշեց Ն.Զոհրաբյանը:
Պատգամավորն ասաց, որ փորձել է Եվրախորհրդարանի միջանցքներում հանդիպել Ռաֆիկ Հուսեյնովին` նրա լուտանքներին արձագանքելու համար, բայց ամեն անգամ, երբ Նաիրա Զոհրաբյանը հայտնվել է Ռ.Հուսեյնովի առջև, վերջինս դուռ է փնտրել, որպեսզի փախչի:
«Երևի վախեցել է, որ կվարակվի «հայկական նացիոնալիզմի թույնով»: Նա ամեն ինչ անում էր փախչելու համար»,- ավելացրեց Ն.Զոհրաբյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել