Նախօրեին` ժամը 18:00-ին, ոստիկանության Նոր Նորքի բաժնի ծառայողները, գողություն կատարելու կասկածանքով Նոր Նորքի 4-րդ զանգվածի շենքերից մեկից  բերման են ենթարկել 17-ամյա Ավետիք Ս.-ին: Նա խոստովանել է, որ 2010 թ. դեկտեմբերին, բաց դռնից մուտք գործելով Նոր Նորքի 9-րդ զանգվածի 13 շենքի մի բնակարան, գողացել է «Նոութբուք» համակարգիչ: Ավետիք Ս.-ն խոստովանել է նաև, որ նույն ժամանակահատվածում, բաց դռնից մուտք գործելով մեկ այլ բնակարան, գողացել է ձեռքի պայուսակ, որի մեջ եղել է գումար: Ավետիք Ս.-ն  ձերբակալված է: Կատարվում է նախաքննություն: