Հանրային քննարկման են դրվել ավագ դպրոցի 2011-2012  ուումնական տարվա համար նախատեսված ընդհանուր և հումանիտար հոսքի դասագրքերի նախագծերը: Ինչպես տեղեկացնում է ՀՀ կրթության և գիտության նախարարության լրատվական ծառայությունը, քննարկման նպատակն է հասարակության  լայն շերտերի մասնակցության միջոցով ստեղծել աշակերտների համար մատչելի և բովանդակալից դասագրքեր: Կրթության և գիտության նախարարությունը հավաստիացնում է, որ շահագրգիռ կազմակերպությունների, մասնագետների, ինչպես նաև ծնողների կողմից ստացված բոլոր առաջարկություններն ու դիտողությունները կքննարկվեն և կարժանանան պատշաճ ուշադրության: Հասարակության կողմից ակնկալում ենք  ակտիվ մասնակցություն: