Տեսանյութեր
Լուսանկարներ
ԱԺ նախագահը հեղափոխություն չի կանխատեսում
Ազգային ժողովի նախագահ Հովիկ Աբրահամյանի կարծիքով` Հայաստանում սոցիալական որևէ լարվածություն չկա, պարզապես կա համաշխարհային տնտեսական ճգնաժամ:
«Մեր կառավարությունը, Ազգային ժողովը, կոալիցիոն քաղաքական ուժերը, հանրապետության նախագահի գլխավորությամբ, ամեն ինչ անում են, որ այդ խնդիրները մեղմվեն: Կարող եմ ասել, որ այս 2-3 տարվա ընթացքում ոչ մի սոցիալական ծրագիր չի կրճատվել»,- այսօր` լրագրողների հետ հանդիպման ժամանակ, ասաց Հ. Աբրահամյանը:
ԱԺ նախագահի խոսքերով` Եգիպտոսի հեղափոխական ալիքը չի տեղափոխվի Հայաստան:
«Այսօրվա կոալիցիոն իշխանություններն ամեն ինչ անում են և պետք է ավելի կազմակերպված անեն, որ բոլոր տեսակի խնդիրները, որ այսօր առկա են` և սոցիալական և տնտեսական, շատ կազմակերպված, համերաշխ և հանդուրժող ձևով հաղթահարենք: Յուրաքանչյուր ընտանիքում կա խնդիր, յուրաքանչյուր պետությունում կա խնդիր, որտե՞ղ խնդիր չկա: Բայց մեզ մոտ նման որևէ խնդիր չեմ տեսնում»,- ավելացրեց Հովիկ Աբրահամյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել