ՀՀ նախագահի Վերահսկողական ծառայությունը մոտ մեկ տարի առաջ գիտության պետական կոմիտեում հայտնաբերել էր բազմաթիվ չարաշահումներ: «Առավոտի» տեղեկություններով` կրթության և գիտության նախարարությունը լուրջ փոփոխությունների ծրագիր է իրականացնում այս կոմիտեի աշխատանքները բարելավելու նպատակով, և որպես առաջին քայլ` առաջիկայում սպասվում են լուրջ կադրային փոփոխություններ: Երեկ «Առավոտին» հայտնի դարձավ, որ կադրային փոփոխությունների առաջին ալիքն արդեն սկսված է, և աշխատակազմի ղեկավար Կարեն Հայրապետյանն արդեն հրաժարականի դիմում է ներկայացրել: