Տեսանյութեր
Լուսանկարներ
Վրաերթ Մաշտոցի պողոտայում
Այսօր առավոտյան Երեւանի Մաշտոց պողոտայից 65-ամյա Նազիկ Համբարձումյանը մարմնական տարբեր վնասվածքներով տեղափոխվել է Սուրբ Գրիգոր Լուսավորիչ բժշկական կենտրոն: Ինչպես հայտնում է ֆոտոլրագրող Գագիկ Շամշյանը, նա փողոցն անցելիս է եղել հետիոտնի համար չնախատեսված վայրով, իսկ տաքսու վարորդ Գեղամ Հակոբյանը, փորձելով շրջադարձ կատարել չթույլատրված վայրով, վրաերթի է ենթարկել կնոջը:
Անմիջապես դեպքի վայր են ժամանել Երեւանի ճանապարհային ոստիկանության աշխատակիցները` Երեւանի ՃՈ պետ Արսեն Արշակյանի գլխավորությամբ: Քննչական աշխատանքները ղեկավարել է ոստիկանության քննչական գլխավոր վարչության Երեւանի քննչական վարչության ճանապարհատրանսպորտային հանցագործությունների քննության բաժնի հատկապես կարեւորագույն գործերով ավագ քննիչ Կարեն Ստեփանյանը, ում հանձնրարականով էլ տաքսի ծառայության 59-ամյա վարորդին տեղափոխել են մոտակա բուժհիմնարկություն` սթափության վիճակը ստուգելու, իսկ նրա վարած ավտոմեքենան տեղափոխել են Երեւանի ՃՈ տուգանային հրապարակ:
Լուս.` Գագիկ Շամշյանի
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել