Տեսանյութեր
Լուսանկարներ
Խաղաղ երթը դեպի Բավրա տեղի կունենա, կմիանան նաև ջավախքցիները
Ժուռնալիստների «Ասպարեզ» ակումբում «Ժառանգություն» խմբակցության պատգամավորներ Զարուհի Փոստանջյանն ու Ռուբեն Հակոբյանը լսեցին հավաքված վարորդների բողոքներն ու առաջարկությունները` խոստանալով վաղը դրանք ներկայացնել խորհրդարանում կառավարության հետ հարց ու պատասխանի ժամանակ: Նրանք վստահեցրեցին, որ պահանջելու են փոփոխություններ կատարել Մաքսային օրենսգրքում, իսկ մինչ այդ` կասեցնել օրենքի կիրառումը:
Վրացական համարանիշերով 3 ավտոմեքենանների վարորդներին բերման ենթարկելու դեպքը «Ժառանգության» պատգամավորները որակեցին հանցագործություն եւ խոստացան, որ հայտարարություն են ներկայացնելու Մարդու իրավունքների պաշտպանի գրասենյակ ու ոստիկանություն:
Զարուհի Փոստանջյանը, վկայակոչելով օրենքը, նկատեց, որ ՀՀ քաղաքացիներն իրավունք ունեն խաղաղ երթերի, ցույցերի, պիկետների տեսքով արտահայտել իրենց բողոքը, եւ քանի որ այսօրվա կազմակերպվելիք երթն էլ ինչ-որ չափով ինքնաբուխ է եղել, ապա որեւիցե մեկն իրավունք չուներ այն խոչընդոտելու:
Խաղաղ երթ դեպի Բավրա ամեն դեպքում տեղի կունենա: Սա ակումբում հավաքվածների որոշումն էր: Գյումրեցիներին սահմանակետի մոտ կմիանան Ջավախքի մեր հայրենակիցները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել