Կառավարությունն ինքն իր համար խիստ պատժամիջոցներ է սահմանել եւ գերավճարների վերադարձն ուշացնելու դեպքում տույժեր եւ տուգանքներ պետք է վճարի: «ՉԻ» - Տեսեք, թե իրականում ինչ է ստացվում: Կառավարությունն ինքը վատ է աշխատում, ինքն իրեն իբր պատժում է, բայց տույժերն ու տուգանքները վճարում են պետբյուջեից, այսինքն` հարկատուների գրպանից: Ուրիշ բան, եթե այդ տուգանքները վճարեր կոնկրետ այն պաշտոնյան, ով մեղավոր է ուշացման համար: իսկ այս դեպքում կարելի է նույնիսկ նախապես պայմանավորվել «տուժած» գործարարի հետ, թե «գիտե՞ս ինչ, արի ես մի քիչ ուշացնեմ այդ փողը, տուգանքն էլ հալալ կկիսվենք: Մեկ ա` բյուջեի փողն ա»: Վատ չի, չէ՞: