Ի՞նչ է պետք կենդանուն ապրելու համար` սնվել: Ի՞նչ է պետք սնվելու համար` սնունդ: Ի՞նչ անել, եթե քո սնունդը զենքով ձյաձյաները արդեն եկել տարել են, որ իրանց տղամարդ զգան, ու դու մնացել ես սոված, ու ապրել է պետք, ձագերիդ կերակրել է պետք: Իհարկե, պետք է մի բան անել... հո չե՞ս մահանալու: Իսկ մեր կառավարությունը, որը, ինչպես միշտ, որպես հարցի լավագույն լուծում տեսնում է ՄԱՀԸ, ամեն սպանված գայլի համար «պարգևատրում է» 100.000 դրամ: Գայլերը իրականում խանգարում են ոչ թե գյուղացիներին, այլ հենց կառավարությանը, որովհետև ցույց են տալիս, թե ինչ անհուսալի վիճակ է արդեն անտառներում, ինչ աստիճանի են պակասել վայրի կենդանիները, որ գայլի նման զգույշ ու իտելեկտուալ կեդանին, որին գրեթե անհնար է որսալ, իրա կյանքը վտանգելով, իջնում է գյուղերը, որ գոյատևի. ուրիշ այլընտրաք չկա արդեն: Այ էդ աստիճանի ողբերգական վիճակ է մեր անտառներում: Գայլերը խանգարում են կառավարության որսի բիզնեսին... Անտառում այլևս բնական սանիտարներ պետք չեն, մեր դարի սանիտարները զենքով են... մինչև ե՞րբ... Մինչը ե՞րբ պիտի բոլորս պատասխան տանք մեկս մյուսի արարքների համար: Մինչը ե՞րբ պիտի գայլերը պատասխան տան որսորդների «որպես տղամարդ» ինքնահաստատման համար: Միչև ե՞րբ պիտի ձեր երեխաները պատասխան տան ձեր ամեն մի սպանած գայլի համար: Միչև ե՞րբ պիտի ՄԱՀԸ ՊԱՐԳԵՎԱՏՐՎԻ: Դուք, ԲնԱվիրման նախարարության պեչատին տիրապետող որոշում կայացնողներ, քանի՞ կյանք եք ստեղծել, որ այդքան հեշտությամբ վերացնելու թույլատվություն եք տալիս: Ես ինքս յուրաքանչյուրիդ կպարգևատրեմ 1.000.000 դրամ ամեն հատիկ գայլի, լորի, աղվեսի, եղնիկի կյանք ստեղծելու համար: Իսկ եթե չեք կարում ստեղծեք, գոնե ՊԱՀՊԱՆԵՔ ... դա ձեր ՊԱՐՏԱԿԱՆՈՒԹՅՈՒՆՆ է: Երկրագունդը մարմին է մսից ու արյունից, ու ինքն էլ համբերություն ունի... Օվսաննա Հովսեփյան