Մոտ մեկ ժամ առաջ ոստիկանները ջարդուփշուր են արել «Ժառանգության» կուսակցության ղեկավար, հացադուլի մեջ գտնվող Րաֆֆի Հովհաննիսյանի համար նախատեսված վրանատիպ հովանոցը: «Ժառանգության» խմբակցության պատգամավոր Ստեփան Սաֆարյանը «Հետքին» հայտնեց, որ 17:30-ի սահմաններում մի վրանատիպ հովանոց է բերվել Ազատության հրապարակ, որպեսզի Րաֆֆի Հովհաննիսյանը պաշտպանված լինի և դրա ներքո փոքր-ինչ հանգստանա: Երբ փորձ է արվել տեղադրել այն, ոստիկանները մոտեցել և ասել են, որ հովանոցը տեղադրեն ժամը 18:00-ից հետո: Ասված ժամից հետո հովանոցը տեղադրվել է, և ինչպես ասում է Ստեփան Սաֆարյանը, րոպեներ անց «հարձակվել է ոստիկանական խումբը և ջարդուփշուր արել հովանոցը` վնասվածքներ հասցնելով «Ժառանգության» պատգամավորներ Լարիսա Ալավերդյանին, Անահիտ Բախշյանին և Զարուհի Փոստանջյանին»: Նրանց, ինչպես նաև մի շարք քաղաքացիների ձեռքերը մնացել են հովանոցի երկաթների արանքում: Ոստիկանների խումբը ղեկավարել է Երևանի փոխոստիկանապետ Ռոբերտ Մելքոնյանը: «Հրահանգել է և իր հսկողության տակ իրականացրել է օպերացա»,- նշեց Ստեփան Սաֆարյանը: Տես` տեսանյութը