Այսօր գիշերը` ժամը 00:10-ի սահմաններում, Երեւան-Գորիս մայրուղու 205-րդ կիլոմետրի հատվածում Մերսեդես 16 ՍՏ 728 համարանիշի վարորդը, կորցնելով մեքենայի կառավարումը, դուրս է եկել երթեւեկության հանդիպակաց գոտի եւ բախվել Կամազ 11 ՏՏ 579 համարանիշի բեռնատարին: Ինչպես հայտնում է ֆոտոլրագրող Գագիկ Շամշյանը, վթարի արդյունքում Սիսիանի բժշկական կենտրոն են տեղափոխվել Մերսեդեսի վարորդը` 1960 թ. ծնված Սերգեյ Խորենի Գրիգորյանը, ուղեւորներ, 1978 թ. ծնված Նորայր Նասոյանը, 1979 թ. ծնված Յանա Թովմասյանը եւ 1968 թ. ծնված Եսայի Բալայանը: Կամազի վարել է Ոսկան Սիրեկանյանը: Ոստիկանության ՔԳՎ Սյունիքի մարզային Քննչական բաժնում նախապատրաստվում են նյութեր: